ءوز حابارىمىز. 4-ايدىڭ 1-كۇنى باسپادان شىققان «ىزدەنۋ» جۋرنالىنىڭ 7-سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «دۇرىس ناتيجە كوزقاراسىن ورناتايىق جانە امالياتتا ايگىلەيىك» دەگەن تاقىرىپتاعى ماڭىزدى ماقالاسى جاريالاندى. بۇل باس شۋجي شي جينپيڭنىڭ 2012-جىلى 12-ايدان 2026-جىلى 2-ايعا دەيىنگى مەزگىلدەگى قاتىستى ماڭىزدى بايىمداۋلارىنىڭ قىسقارتىلعانى.

ماقالادا مىنالار باسا دارىپتەلدى: ناتيجە كوزقاراسى ماسەلەسى ءتۇبىرلى ماسەلە، ول جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە سايادى. تاماشا ناتيجە ارقىلى پارتيا مەن مەملەكەت ىستەرىنىڭ دامۋىن ۇزدىكسىز ىلگەرىلەتىپ، حالىققا باقىت جاراتقاندا عانا، پارتيانىڭ نەگىزگى ماقساتىن ويداعىداي امالياتتا ايگىلەۋگە، پارتيانىڭ تاريحي مىندەتىن ويداعىداي ورىنداۋعا بولادى.ءىس جۇزىندىكتى شىعار ءتۇيىن ەتۋگە، ءىستى زاڭدىلىق بويىنشا ىستەۋگە تاباندى بولىپ، عىلمي شەشىم جاساۋ جانە ناقتى ءىس ىستەۋ، قاجىرلىلىقپەن ىستەۋ ارقىلى اماليات پەن تاريحتىڭ سىنىنان وتە الاتىن، حالىققا شىنايى باقىت جاراتاتىن، بۇقارا تەگىس مويىنداعان ناتيجە جاراتۋ كەرەك.

ماقالادا مىنالار انىق ايتىلدى: دۇرىس ناتيجە كوزقاراسىن ورناتۋدا جانە امالياتتا ايگىلەۋدە پارتيالىلىق شەشۋشى رول اتقارادى. كوممۋنيستەر حالىقتى باقىتقا كەنەلتۋدىڭ ەڭ زور ناتيجە ەكەنىن ەستە بەرىك ساقتاۋ كەرەك. جوعارى ساپالى دامۋعا تاباندى بولۋدى باسشى كادرلاردىڭ ناتيجە كوزقاراسىنىڭ ماڭىزدى مازمۇنىنا اينالدىرۋ، جوعارى ساپالى دامۋدى ىلگەرىلەتۋدىڭ قىزمەت ناتيجەسىن تەكسەرۋ، باعالاۋ ءادىسىن كەمەلدەندىرىپ، قولباسشىلىق ەتۋدىڭ رولىن ويداعىداي ساۋلەلەندىرۋ كەرەك.

ماقالادا مىنالار انىق ايتىلدى: ۇيرەنۋ تاربيەسىن بيىلعى پارتيا قۇرىلىسىنداعى ماڭىزدى مىندەت ەتىپ، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. ءبىرىنشى، يدەيالىق تانىمدى مۇقيات، تىڭعىلىقتى جوعارىلاتۋ كەرەك. ناتيجە كوزقاراسىنىڭ پارتيا مەن مەملەكەت ىستەرىنىڭ دامۋىنداعى ماڭىزدىلىعىن جەتە تانىپ، دۇرىس ناتيجە كوزقاراسىن ورناتۋ جانە امالياتتا ايگىلەۋ يدەيالىق سانالىلىعى مەن ارەكەت سانالىلىعىن كۇشەيتۋ كەرەك. ەكىنشى، كورنەكتى ماسەلەلەردى مۇقيات، تىڭعىلىقتى وڭاۋ-تۇزەتۋ كەرەك.«جالپى ءۇشىن پارتيا قۇرۋ، حالىققا باقىت جاراتۋ، عىلمي شەشىم جاساۋ، شىنايى يگەرىپ، ناقتى ىستەۋ» جالپى تالابىن دايەكتەندىرۋدى تىعىز توڭىرەكتەپ، ۇيرەنۋ، تەكسەرۋ، تۇزەتۋدى ءبىر تۇتاس ىلگەرىلەتۋ كەرەك. ءۇشىنشى، ەرەجە-ءتۇزىمدى مۇقيات، تىڭعىلىقتى ورناتۋ كەرەك. ەرەجە-ءتۇزىمدى شىن مانىندە تولىقتاپ، ورناتىپ، ءتۇزىمدى قاتايتىپ، جەتەكتەۋ، شابىتتاندىرۋ، جۇيەلەندىرۋ، تەجەۋ رولىن تولىق ساۋلەلەندىرۋ كەرەك.