WIR ando 10to maj ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, kurke, ando 10to maj, 13.35 orenge ando ORF 2, jeke vargajengere keraschi upro Karmeliter foro Betschiste kher rodas, uso Internacijonali Romengero-Di Betschiste taj Erbate samahi, jek kunstakero artschijipe ande Bratislava aun diklam, pedar i koperacijona la disatar Schlaining le ungrike foroha Kőszeg phukavas, pilgertschen use jek phiripe uso gav Und vodinas taj o farajn Iniciativ Angola angle tumenge terdscharas.

Klutschoskero prikdipe le flogoskere grupnenge

O kher le flogoskere grupnendar Erbate ando probalintschagoskero naschipe dschal. Suboton, o klutschoskero prikdipe le fatretertschenge le flogoskere grupnendar, le ungrikenge, horvackenge taj Romenge sina. O pradipe le kherestar le septemberiske planim hi.

WIR ando 24to april ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 24to april, 10.40 orenge ando ORF 2, uso trening le barikane terne turnentschendar samahi, upro jomakero rodipe ando betschitiko centrali temetischi amen keras, jek butjakero foroskero projekto terne Romenge angle tumenge terdscharas, upre jek jagertschengero mulatintschago ande Kärnten samahi, la Biber-patijaripeskera ledschaschkijaha Emma Kornfeind vakertscham taj terne manuschendar phutschas, saj koja o patschajipe ande lengero dschivipe khelel.

Patijardi angrusti le forostar Neusiedl am See le Ferry Janoskajiske

Jek barikano utschipeskero punkto uso mulatintschago le 100-berschengere jubilejumistar le forostar Neusiedl am See, o prikdipe la patijarda angrustschatar le internacijonali prindscharde muschikaschiske, komponistoske taj muschikakere falatoskere keraschiske Ferry Janoska, sina.

Romano Dikipe | ORF 2 Burgenland | 12to april

Ando aktujeli ardipe la sendungatar Romano Dikipe phukavas pedar i naschadi Romengeri sidlung andar i Uprutni Pulja, pedar o 50 berschengero jubilejum le flogoskere grupnengere tschatschipestar andar o dikipe le Romendar, uso probalintschago la New-Metal-bandatar Romantic Death samahi taj le Sinto Peter Hager angle tumenge terdscharas.

WIR ando 10to april ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 10to april, 10.40 orenge ando ORF 2, sasto habe la Lenijaha taj la Vronijaha thavas taj upro rodipe pal o kesdiptscha hatek tipischi austritike institucijonendar amen keras. Akor pedar i Geheimkhangeri andi aguni Tschechoslovakija phukavas, diskusijakere dschene taj jeke barikane farajniskere schero resas taj le barikane vekakere lobdakere khelaschtschenca le ZBG-istar Erba trenirinas.

I naschadi Romengeri sidlung Uprutni Puljatar

Ande amaro sendungakero redo „Naschade Romengere sidlungtscha le Burgenlandistar“ o reporteri Adi Gussak, akan upro jomakero rodipe andi Uprutni Pulja hi. Kaj buteder dikipe andi historija le Romendar ande ada gav te uschtidel, resel ov te le hobiskere historikeri taj pisimaschi Josef Kraxner, savo andi Maschkarutni Pulja upre bartschino.

But tschibtschakero falato la identitetatar

Ando becirktscha Erba taj Ujvara buteder ischkoli duj tschibtschakere sikajipeha use jek khetano sikadipeskero necverk khetan pumen phandle. Cil hi, o but tschibtschakero vakeripe meg feder te soraljarel taj ojs falato le identitetakere sikadipestar prik te del.

50 berscha flogoskero grupnengero tschatschipe

O andvodinipe le flogoskere grupnengere tschatschipestar adabersch o 50to jubilejum mulatinel. Vaschoda o Emmerich Gärtner-Horvath, anglebeschaschi le flogoskere grupnengere bajrotistar le Romendar, pedar o barikanipe le tschatschipestar andar o dikipe la flogoskera grupnatar vakerel. Akor ando vakeripe meg pedar koji uso uprelikeripe la kulturatar taj so gejng o anticiganismus kerdo schaj ol, dschal.

Talalinipe Upro Karikano Stolo | Butajkeri cukunft terne manuschendar

Terne dschene uso andedschajipe ando butjakero them mindig buteder angle but uprediptscha taj na dime dikiptscha terdschon. Saj pomoschage lenge pekamle hi taj sar pumenge o terne dschene o butjakero them angle terdscharen, pedar oda ekspertkija taj ekspertscha uso Karikano Stolo le projektostar „O DROM ANDI CUKUNFT“ diskutirinde.